|
| WeLL… 我真係足足一年冇UPDATE呢度,實在有些過份… 呢一年,有唔少聲音都話:”好心你就update下啦….” 不過…呢一年我真係覺得無咩野值得講…. 因為我仍然第25年都未有初戀…嘩咔咔咔咔~~~ 唔….咁我就講幾件令我有開心快樂感覺同埋憤怒得令我瘋的事吧… 先由屋企講先啦,因為冇咩野可以講.. 最令我SURPRISE係我見返20年冇見的契媽,佢由我BB湊到我4歲,佢講左好多我細個事俾我知…原來我BB時父母感情已經好有問題… 好溫暖契媽仍然一直叫我”燕燕..燕燕”,好WARM….  *~~朋友仔~~* 好開心令我覺得最safety的羅中朋友仔在這一年都經常在一起,因為都終於要在香港落地生根,至於until同阿財都已經成為警察,大家都終於去到畢左業後的人生起點了… 最開心都係呢一年同阿lee/牛屎/家敏一齊日子,令我覺得至少我擁有的唯一財產,雖然對於佢地黎講我冇長大過,我仍然會令佢地憫,令佢地擔心我,我成日發小姐脾氣佢地都對一樣十幾年都包容我,我咩都冇,但係我有你地三個同until/阿財已經好足夠…. 雖然今年25歲生日冇咩surprise而且因為離開左keyeast有唔開心,不過只有你地仍然在我身邊,多謝你地!!!  
 
 
除左羅中朋友仔,錫我0既當然仲有三個蛋糕小妹RIKO/PEE/KAMI,雖然我地各有各忙,但係我地一定要記得”浙江陳醋”之約啊!!!!阿PEE!!!你小心啊!!!不忘一說,我地親愛的KATSU大佬打電話俾我返黎喇!!!傻佬話要食飯呀!!! 補貼~~~~  
 
咁仲有梗係唔少得我亦師亦友的FANNY啦!!!我好幸運有這個良師益友,我好鍾意同佢一齊感覺,好舒服,好安全!!佢令我知道點樣去分辨是與非,我好感激你對我0既愛鍚!!! 呢一年都識到幾位可愛的新朋友,哈哈!!都係比我年長的…嘻嘻~~ 超級大傻佬TOMMY小華啦,雖然識佢只係好短時間,不過我好信任佢,好倚賴佢,好鍾意同佢一齊工作,因為我可以虾佢,哈哈!!點都好,佢係我SUPERMAN. 仲有呂明亮哥哥,真係so glad認識到佢,我覺得佢好似親哥哥咁,事無大少,我開心唔開心都咩都同佢講,如果佢係香港人就好啦,煩佢都方便些…嘻嘻!! 
仲仲有grace啦,雖然我地鬧交好多,有次仲反哂面,不過因為tommy,我cool down得好快,我明白grace對我真係細妹咁鍚,我好榮幸… 
仲仲仲仲有,估都估唔到我竟然有3個來自客人那兒的朋友!!!阿jay媽媽/ 阿kim豬豬/ Helena老師,太鍾意你地喇!!! 阿jay媽媽,我等你30號返黎香港一齊傾心事呀!!! 其實…正如grace所講,好多人都好鍚我,只係因為我脾氣問題,人地都唔知點表達… 又正如阿財講…我根本走唔出2G/3G班房,唔想/唔敢識人係唔得,但係你地都要明白讀書時陰影對我黎講太大…. 成長…我唔知道!!雖然已經25歲,但係我仍然活在16歲的心智… 我唔想面對呢個世界…太假惺惺了….. *~~工作~~* 而家新入左另一間大公司,觀塘返工,人工多左好多而且終於係真正的朝9晚7的生活,雖然好唔慣咁有SYSTEM同埋完全冇FUN,不過我知道我要長大,我要收起笑臉,不再輕易瞇瞇眼笑,不過真係好辛苦… 講完開心,講下一些令我憤怒的事… 過去一年我在KEYEAST做野. 
唔…工作上我覺得唔錯,因為空間俾我發揮好多,冇掣肘,老闆Susan一直都好錫我,之前有個Polly都好錫我,加上同大陸廠好夾,日日沒有點磨擦總不自在,瘋狂地愛上大陸廠的大哥們,尤其是小呂啦!!次後有個好大佬Tommy啦!!好幸福… 基本上我應該係會做到開心到唔願走,甚至可以賣身俾公司!!但係….我仍然每隔一小段日子就去Susan面前辭職一次,朋友問我點解,點解做得開心而且個個都咁錫我,但係成日諗住想走? 哼!我都只會冷笑…. 你知咩??你又知咩???你係我咩???你知道咩叫黑暗咩???????? 我啾!!! 說實在,Susan好錫我,我知道,佢覺得我好emotional我亦明白,因為我的而且確是容易鬧情緒的人,但為什麼我會那樣子呢??..........我不是有精神病的,為什麼不嘗試查探一下呢?? 在我這個私人的小小空間,我好想講哂出黎,因為… …我冇機會指住個八婆Sylvia鬧…. …我唔鍾意個個以為我係無原無故針對佢,因為係有原因的!!!! …我忍得好辛苦,恨不得撕破她的假面具… …我不忿!!!我唔鍾意連Tommy同小呂都覺得我係痴線!!! 我嬲到極點!!朋友們,你地最清楚我,我一發脾氣是不能自控的,以下文字可能有點粗俗,我知你地唔鍾意我咁,但竟體諒我一下啦!!俾我任性一下....唔好意思! 我幾時有擦上司同老細鞋呀???Are you sick, bitch??? 我鍾意笑係天生的!!!!我鍾意說笑都係!!!相反我亦容易動怒,係人都知.個個鍚我鍾意我,我知道點解你會唔明!!你呢世都唔會明,因為你人生滿腦子都是又壞又骯髒的思想!!小人之心!!!我係真心喜歡我老闆susan同fiona的關心愛錫,我真心喜歡呂大哥的真誠豪邁,我真心喜歡tommy親切傻佬感覺,我真心喜歡grace把我當成妹妹吵吵鬧鬧,我真心對待我的客人我的供應商,因為我信對方!!! 你呢???只係不斷打沉我,只係不斷話我識扮野!!!我份人冇咩特別出息,就係對朋友講心,我極度討厭虛偽份子好似你咁!!唔該你俾0的guts!!!我絕對冇擦鞋!!亦冇扮cutie!!!!要扮係扮唔到的!!!死八婆!!!! What the hell did you talking about 3月14日呀???我又會知道14同三合會有關lor!!!我唔知又話我真係識扮野!!! What the hell did you said about:”得我同你,你就咪扮啦!!我唔信你唔去浦!!!” SYLVIA!!你係爛女人,你話你細個成日去浦,但係我唔係lor!!!我冇你咁bad!!你壞你事,死老野!!!成三十幾歲人烚我廿幾歲,你知唔知醜架???你知唔知你真係好很黑人憎???如果明眼人都睇得出啦!!!有邊個做上司鍾意你??你有幾多料??你又有幾多熱誠??好多明眼人都睇得出!!! 你仲記唔記得你自己點背後鬧Tommy點鬧Polly點鬧Grace點鬧Fiona點鬧Peon呀???你個死人縮頭烏龜!!!你夠唔夠膽當著Tommy面話佢呀????Tommy未黎之前,我真係以為佢係衰人,我真係以為佢同Theresa有不可告人的秘密,你就唔好咁仆街咁唱佢啦!又話要過年之後一定要辭職唔想對住tommy,又話俾野佢踩!!!你覺唔覺得你好有問題呢??? 我同你講!!!你唔好蝦我大佬呀!!!佢完全唔係你講咁!!佢份人好過你千萬倍!!我亦相信佢係一個潔淨的傻佬!!你就積下陰德唔好咁唱人啦!!因住你有報應係自己俾仔撇呀!!! Jose單野,你點話我你自己最清楚,死八婆!!! 我同小呂係清清白白,我警告你唔好亂講野,我識朋友係攞個心出黎,冇你咁假!!!我倒想問你一句,係咪你身邊的男性好朋友都同你有染呢??將心比己,你有腦就自己諗下啦!!!! 你話我懶醒,你同jose又有幾多斤兩呀??我係有小聰明,但係我會表達,亦唔怕瘀!!!因為我係呢行係BB,我有IDEA會Suggest,人地bend我我唔覺得係懶醒!!你又識咩??你連諗都唔諗!!!你冇腦至真啦!!死老野!!! 我唔怕同你講,我睇過哂你同chinlieng係skype的conversation!!!我一字一句都記得你同chinlieng點話我,有幾想我走!!你個八婆點話tommy!!你以為你工作好好咩??你所謂的英文屎到爆!!你所謂製衣知識連我都不如!!你只係識扮野!!!你覺得你值得一萬咩???你出左keyeast就nothing啦!!你自己在tommy回來前有多緊張你知道嗎??你以為擒擒青執好枱,file哂所有文件就係做得好咩??哼~~笑死人了!! 我都未鬧你個死八婆呀!!!我同阿grace好多次鬧交都係因為你呢個八婆咋!!!係你自己同佢有過折,你自己攪小圈子杯葛人地!!你叫我學哂佢那些shipping工作,你話你費事同佢嘈,叫我學,你話會同我share做!!你個死八婆!!!你連落booking都未做過啦!!我冇屈你,個個都知!!你唔share做不特止,仲要次次走貨都做到我死,料又唔俾我!!又唔去問料!!!你廢的嗎???次次都係我出面!!!次次都係我俾船公司同運輸話!!!我就硬食!!!!你就卸膊!!!我每次同阿grace嘈你就周圍同人講係我態度有問題,係我同阿grace硬踫硬,你唔諗下係你令我地有問題????????仲要落井下石話我地!!你最清高啦!死八婆!!! 八婆,我要做埋shipping的!!!!我24小時on-call的!!Tommy未返黎之前,要你平時OT同返星期六都死,我返又話我扮野,又話唔信我真係咁多野做!!SHIT!!交換啦!!!死八婆!!!一日只係識係客度指桑罵槐!!!八婆!!!個客我先岩岩跟,你使唔使咁呀?你以為你評價好好咩?????哼!!人地俾面TOMMY咋八婆!!! 仲有,我同客/同supplier/同大陸/同馬拉點溝通係我style,關你咩事?我份人不嬲都係心個句講個句,我同人玩得埋唔關你事,人地likey我都唔關你事,你以為我唔知你點同人指桑罵槐咩!!!死八婆!!! Header card件事係導火線,你屈我,仲要係我大佬面前屈我!!!我對你真係忍無可忍!!!我唔理susan點睇我,我覺得要我再同你活在一個空間,我會窒息….. 仲有!!你咪扮野啦!!!tommy一唔係度你點對我呀??Grace都有眼同耳,仲有,你當阿kim死的嗎,個客都有同我講啦!!!我冇同tommy講係因為講你講到好累,你的小人行為已經不能盡數,實在太多!!亦令人好shock!!! 我鬥唔過你,我認左輸走左,不過我覺得係有報應的,你因住睇路呀!!! 仲有!!!你唔好俾我知道你蛤我keyeast我錫的阿哥阿姐,你因住有報應口生瘡俾仔撇!!!仲要小心我!!! 我會還俾你!!! 天腳底,我死先過你我一定會還俾你!!! | | |
| 本來十號那天已經收拾心情返工,不過因為媽咪突然入院,所以都諗住放棄再搵.. 點知個老闆娘前幾日打黎問我點解唔返,我同左佢講媽咪中風入院,佢冇怪我冇話我仲慰問,仲問我幾時可以返工,我見媽咪都冇咩野,而且又有人睇住佢,我就應左佢18號返.. 對於新的工作都有好大期望,因為我入的department主要係做baby的market,個老闆娘話我好適合,人工都比之前多,而且唔使上大陸廠,因為廠在新加坡,雖然要重新適應,又要學過哂(因為之前我都係跟阿姐學童裝),baby的都未掂過,一定又有好多inspection煩野..不過入得呢行真係咩都要識,自己又未讀過... 唉~唔知0的同事有冇君益那些哥哥姐姐咁funny呢?希望呢份工開開心心啦..
| | |
| 補回十一號那天birthday dinner的照照~~ 四位(兩對couple)都係四月生日,牛屎/牛屎個男朋友仔/饅頭/燒煙,我同阿LEE同左佢地去左朗豪坊食飯,跟住食蛋糕,好開心喲~~ 第一次見牛屎的男朋友,(對左幾個鐘,仲未知佢點稱呼...)可能因為一直都聽說他有驚人的身高,見到了真人又覺得不過是像UNTIL一樣大舊吧,點知一見到佢拍落牛屎到先知那一種驚人的差距....真係超級大舊!!哈哈!!點都好啦!!希望牛屎好似可愛的童話故事般從此幸福啦!! 照照請自己copy或者等我MSN online啦~ 
仲有呀,點解牛屎會冇我地羅中十年前的照照blog呀??在photobucket呀!id係羅中的縮寫!!好多相,好攪笑的照照喲~ 唔知我地幾時有機會一齊同Baby Lee,Miss Yuen食飯呢???? | | |
| 十號那天,發生左一件算在我這二十四年來好恐怖的事,原來有些事要真係即將發生才懂得珍惜,好彩今次有驚無險,如果唔係我會後悔一世,不安一世!!我唔係孝順,更不敢說我是一個好孩子,不過我始終係大家姐,有些事發生了總該要走出來....
父母離左婚都十幾年,我地三姐妹自己生活都四五年,好多野都係自己解決或者倚賴朋友,但係今次我真係覺得好徬徨....
在這裡,我好想跟幾位朋友說句多謝,真的好多謝你們,原來真正朋友是這樣子!!
首先要好多謝牛屎,亦要說聲不好意思,我明知道或者會勾起你的悲痛,但係我當時不知道點算,身邊的朋友大多是太幸福從未經歷過無常,我真的手足無措!多謝你陪我走過了黑暗的兩天,雖然只係通過電話,但係已經感覺好好,最感動係事後你的一個message,明明自己是痛都反過來安慰我!
跟住當然係Money嬸嬸,多謝你不厭其煩的聽我電話,等我電話,因為沒有長輩在身邊的緣故,當時只有想起了你這個大姐姐,仲有Fanny,多謝你!!
仲有阿Lee,本來知道你工作太忙唔應該打俾你,但係總覺得想打俾你,多謝你一直的關心!!本來好想搵UNTIL,不過仍入左camp,之後就發現自己唔知搵邊個了....
仲有饅頭同燒煙,其實十一號牛屎的那個birthday dinner我心情仍然好沉重,重到自己都覺得自己好呆,剛在醫院趕到的我真的不知道怎樣去投入大家,見到你地,令我又回到羅中時候狂妄的自己,可能氣氛很好,令我演大家的"肥肥"很好,雖然高談闊論的樣子有點誇張,不過真的令我輕鬆得多!
話說十號那天本來已經收拾心情返工,點知阿B晨早打黎話媽咪暈左入左醫院,跟住佢個電話cut左,我同阿珊打極俾佢都打唔到,只係大家都收到佢0既message話醫生話媽咪中左風,今朝休克了30秒!!我當期時個心好似裂左咁,腦海不斷浮現從前有一天牛屎在我工作時send給我的兩段SMS,先是告訴我她的爸爸中風入院,然後隔天就是一個令人心痛的消息....
當我見到阿B個message,我即時將其重疊在一起,好驚..好驚...只係識好驚!!我好嬲極嬲點解阿B點解唔用公眾電話亭打俾我地報告情況,我又急到死,好想知到底發生咩事,我打俾阿珊佢又句句都話:"我上緊堂呀!",我唯有打俾牛屎,一個都有半年好耐冇見的朋友,我初時都驚應唔應該打俾佢,但係因為朋友當中她真的真切地經歷過,我唯有打俾佢,雖然我心急得說話都語無倫次,只係識驚,不斷咁重複"咁點算?!",好彩有牛屎教我點,好彩有牛屎一直都等我電話,我那天早上沒有上班,因為係第一日返工,我怕個老闆唔信我,又會有那麼樣巧合,所以我一個電話都無打去公司,直接掉頭就去醫院.一路上我打了好多次俾阿珊,因為好怕媽咪會嚴重得會離開我們,我同阿珊講牛屎爸的故事,我怕得不斷咁喊,但係阿珊只係同我講:"下?我跟住要上日本文化,走堂會俾人扣學分喎!我6點趕來吧.."我勁嬲!!就拋下了一句:"你覺得大學重要定媽咪重要,你自己決定啦!!"跟住就cut左佢線!我拎住個電話,不斷咁按電話目錄,好想好想有個人陪住我,因為我都已經作出最壞打算,但係沒有一個親戚電話有人接聽,才想到幾家人都去了復活節旅行...根本就是又要我一個人面對!!
搭車途中,一路只係好掛住媽咪,雖然咁多年都好嬲佢,但係我未至於想失去佢,突然想起自己生日的事,我好嬲咁叫佢去死啦,我點解要講咁過份的說話??好後悔...好後悔...超級後悔!!!全程短短大約半小時的車程我不斷的哭,祈禱希望主不要帶走媽咪,一直我都相信自己身邊有一個守護天使,心中不斷跟天使說請佢去媽咪身邊保護佢...
去到醫院,因為唔知媽咪在哪間病房,於是就去詢問處問,點知對方竟然答我:"沒有這位病人.."我好驚!不會是甚麼吧??我瘋了的跟那位仁兄說:"唔係喎!我肯定我媽咪入左黎,醫生話佢中風喎!你幫我CHECK多次啦!!"我都已經急到死,點知個個登記人員竟然鬧返我:"小姐!你講清楚你媽咪係留院啦!!佢剛才在深切治療轉到A8病房喇!!"我心想:"你難道就不會體恤病患的家屬嗎?咁惡做咩!!"..
去到A8,本來差唔多入到病房就俾個死人護士長趕返出黎,話已經過了探病時間,我呆左!!我XYZ!!我趕來就是要看我媽!!我同個護士長講:"我媽咪今朝暈左入左醫院,聽講醫生話佢中左風,我想見下佢,或者見下醫生,唔該你啦!",點知個X街護士勁惡,態度勁差咁答我:"出去!出去!醫生都唔係度喇!而家係交更時間,冇人會幫到你,你探病時間再黎啦!!"我看一看電話上的時鐘:"12點半",下一輪探病時間係5:30-8:30,咁即係要我呆等5個鍾??我又心想回剛才的:"你難道就不會體恤病患的家屬嗎?"
我唯有出返去走廊等,一路等見到好多被插哂喉的大病床出出入入A8,我好驚,每一個病人我都望下會唔會係媽咪...
雖然知道媽咪有朋友在這裡工作,希望找她幫幫忙,但是就是怎麼都找不著,後來過了大約兩個幾鍾,那個死人護士長出返黎叫我入去睇下媽咪,但只可以十分鐘!!
行到媽咪床邊,佢訓左,我見到佢無插喉心就放心得多,因為牛屎說插喉不好,我搖醒媽咪,問佢發生咩事,佢好似仲好迷迷糊糊,說早上好暈,醒來就在病床,醫生幫佢做了腦掃瞄,幾個醫生都不知道發生咩事,只有一位醫生說懷疑是輕微中風,真正報告要遲一下才有,所以須要留院.說罷,我又被那護士長趕了出來.
下??咁即係點??
我再一次出返去走廊等,三點幾阿珊終於黎左,我當時好嬲因為佢一黎到只係講:"我好憎你咁講lor!!咩大學重要定媽咪重要,我而家走堂喇!會俾人扣學分!我一陣7點一定要返回大學!"當我不屑地同佢講下一輪探病時間係5:30-8:30時,佢問返我:"咁做咩咁早叫我黎呀?黎到又唔見得!"跟住佢坐底做她大學的功課,阿B就仍然的把雙耳插著head-phone聽歌!!我地三姐妹就這樣在病房外等,場面好唔正常!唔明點解我咁激動,唔明點解平時成日話好憎媽咪的自己會比起兩個妹更緊張!!
到正式的下一輪探病時間,媽咪的那位在醫院工作的朋友出現了,原來早上係佢陪媽咪入院的,佢同我講的都跟媽咪跟我說的差不多,但一切都要等後一天的腦掃瞄報告,現在所有情況都已經好轉.
在短短的3小時探病時間,雖然好嬲阿珊6點就嚷著大學有事要先走(我仲要俾媽咪鬧我黠解硬要阿珊留底)!!不過好感動媽咪有成二,三十個同事啦朋友啦黎探病,逼得我都鑽不入去,亦因為咁,我知道左媽咪的任性事情,包括把醫生吩咐服用的藥倒掉,唔同醫護人員合作唔做手腳活動的測試,唔食野,唔飲水,嚷著要回家,嚷著要食朱古力,又嚷著要食煎嚷三寶,最後媽咪個朋友真係買左煎嚷三寶俾佢食,我好嬲,不過都好過佢咩都唔食!!
第二日,醫生證實了媽咪的腦掃瞄中的陰影部分係爆血管,即係輕微中風,要留院再做多些檢查,我個日怕佢又唔肯食野,唯有煮些令佢會食但又唔會影響佢血糖的食物,我煮左蒸嚷節同埋炒了些黃椒,青椒魚肉,好過佢又食煎嚷三寶.
點知去到醫院我見到佢有隻大炸雞脾同一盒火龍果,啞左!!!我好嬲,唯有請佢朋友消滅了那雞脾同埋警告佢地不要再買了.
現在,媽咪總算出院了,但是仍然雖要覆診,食藥,戒口,做一些物理治療,不過以佢任性的性格一定不會乖乖的去做!!我同阿珊同阿B講:"咁唔係辦法!!我地不如輪住陪佢去覆診啦,然後每日check下佢有冇食藥,戒口啦!"跟住阿珊答我:"佢根本自己都唔合作,呢0的野迫唔到喎,我地又唔係同佢住..."跟住阿B付和了一句就走開了.....
下??咁即係點?? | | |
| 24-3-2007
喊左兩日..
冇事lu.喊完,訓醒冇事lu,咪當真正close file lor..
咩可以唔咩?到我選擇嗎?算啦..都困擾左兩年,我要為我的白痴又一廂情願負責,一切都係自己攞黎賤..
本來我就係一個自己俾自己開心,自己令自己唔開心0既人...與人無尤.. 祝佢永永遠遠都好幸福,不幸從此遠離他吧... 而我始終都係NEVER HAD A DREAM COME TRUE...
| | |
|
